The news from New Generation with new vision.

१३ औं सागः प्याराग्लाइडिङमा नेपालले प्रतिष्पर्धी पाएन, अब पोखरामा ८ खेल मात्रै हुने

पोखरा । दक्षिण यसियाली खेलकुद (साग) को १३ औं संस्करणमा प्याराग्लाइडिङ समावेश नहुने भएको छ ।

प्याराग्लाइडिङ खेल सराङकोटको तोरीपानीमा सञ्चालन गर्ने र नाम दर्ता गर्न बुधबारसम्म अन्तिम समय तोकिएको थियो । तर नेपाल र पाकिस्तानबाहेक तेस्रो राष्ट्र सहभागी भएन । नेपाल प्याराग्लाइडिङ एसोसिएसनका महासचिव शैलेन्द्र रावतले तेस्रो राष्ट्रले खेलाडी दर्ता नभएपछि प्रतियोगिता नहुने निश्चित भएको बताए ।

‘पाकिस्तानबाट पनि जम्मा २ जना खेलाडीको नाम दर्ता भएको छ । जबकी प्रतियोगितामा भाग लिन ५ पुरुष र ३ महिला अनिवार्य हुनुपर्छ,’ उनले भने, ‘दर्ता भएको राष्ट्रले पनि खेलाडी संख्या नपुर्‍याएकाले खेल नहुने भएको हो ।’ सागको नियम अनुसार प्रतियोगिता हुन कम्तीमा ३ राष्ट्र सहभागी हुनुपर्छ । प्याराग्लाइडिङ खेल नहुनेभएपछि अब पोखरामा ८ खेल मात्रै हुने भएको छ ।

यो पनि पढ्नुहोस् :   भारतसँग पराजित भएपछि प्रशिक्षकको राजीनामा
सम्बन्धित पाेष्टहरु