The news from New Generation with new vision.

आज कर दिवस : सप्ताहव्यापी कार्यक्रम गरिँदै

नेपालमा मूल्य अभिवृद्धि कर लागू भएको दिन आज देशभर कर दिवस मनाइँदैछ । विगत ८ वर्षदेखि हरेक वर्ष आजको दिनलाई कर दिवसका रुपमा मनाइँदै आएको छ । ‘स्वच्छ कर प्रशासन, विकास र सुशासन’ भन्ने नारामा यस वर्षको कर दिवस मनाउन लागिएको हो ।

आन्तरिक राजस्व विभागले आजदेखि एक सप्ताहसम्म करसम्बन्धी विविध कार्यक्रम गर्ने भएको छ ।

विभागका अनुसार देशभरका कर कार्यालयले विशेष कार्यक्रम गर्नेछन् । त्यसैगरी उद्योग वाणिज्य महासंघ, नेपाल उद्योग परिसंघ, नेपाल चेम्बर अफ कमर्सजस्ता निजी क्षेत्रका संस्थाहरुले पनि कर दिवसका अवसरमा विशेष कार्यक्रम गर्नेछन् ।

आजै सरकारले मूल्य अभिवृद्धि कर, आयकरलगायतमा सबैभन्दा धेरै योगदान गर्ने व्यक्ति तथा संस्थालाई सम्मान गर्दैछ । त्यसका लागि आन्तरिक राजस्व विभागले सबै तयारी पूरा गरेको जनाएको छ । कर कार्यालयहरुले करदाताहरुको सम्मान तथा जनचेतना अभिवृद्धिजस्ता कार्यक्रम गर्दैछन् ।

कर सप्ताहको अवधिभर करका विषयमा नीतिगत एवं व्यवहारिक पाटामा छलफल एवं अन्तक्र्रिया गरिने विभागले जानएको छ । निजी क्षेत्रका छाता संस्थाले करसँग सम्बन्धित रहेर बहस चलाउने भएका छन् ।

नेपालमा २०५४४ साल मंसिर १ देखि मूल्य अभिवृद्धि कर कार्यान्वयनमा ल्याइएको हो । २०६९ कात्तिक २ गतेको मन्त्रिपरिषद्को बैठकले हरेक वर्षको मंसिर १ गतेलाई कर दिवस मनाउने निर्णय गरेको थियो ।

यो पनि पढ्नुहोस् :   हजारभन्दा बढी शाखा अधिकृतका लागि जागिरको अवसर, कुन पदमा कति ? 
सम्बन्धित पाेष्टहरु