The news from New Generation with new vision.

असार ९ र १० गते नेपालका टेलिभिजनमा विदेशी च्यानल बन्द हुने

काठमाडौँ । टेलिभिजन सेवा प्रदायकहरुले प्रस्तावित विज्ञापन ऐन २०७६ को विरोध गर्दै विदेशी च्यानलहरु बन्द गर्ने भएको छ।

इन्टरनेट तथा डिजिटल टिभी समन्वय समिति र नेपाल केवल टेलिभिजन महासंघले असार ९ गते दिउँसो १२ बजेदेखि असार १० गते १२ बजेसम्म बिज्ञापन प्रशारण हुने विदेशी च्यानलहरु बन्द गर्ने भएको छ।

विधेयकले विदेशी च्यानलहरुमा क्लिन फिड हुनुपर्ने प्रावधान गरेको भन्दै उनीहरुले यो व्यवस्था अब्यवहारिक भएको बताएका छन् । नेपालमा प्रसारित च्यानलहरु मध्ये ८५ प्रतिशत च्यानलहरु विदेशी छन्।

इन्डियन ब्रोडकास्टर फोरमले नेपाललाई मात्रै क्लिन फिड दिन व्यवहारिक र व्यवसायिक रुपमा असमर्थ हुने उल्लेख गरेको अवस्थामा डिजिटाइजेसनको क्रममा रहेको डिजिटल टिभी व्यवसायको अर्बौं रुपैंयाको लगानी डुब्ने र संविधानले दिएको सूचना तथा मनोरञ्जनको हकबाट नेपाली जनता वञ्चित हुने महासंघको दावी छ।

कमेन्ट गर्नुहोस्
यो पनि पढ्नुहोस् :   काठमाडौँको बानेश्वरमा मोटरसाइकल दुर्घटना, एकको मृत्यु
सम्बन्धित पाेष्टहरु