The news from New Generation with new vision.

संविधानको भावना प्रतिकूल ल्याईएका विधेयकहरु फिर्ता लिन प्रतिपक्षी काँग्रेसको माग 

काठमाडौं । प्रमुख प्रतिपक्षी दल नेपाली काँग्रेसले वर्तमान सरकारले संविधानको व्यवस्था र भावनाको प्रतिकूल हुने गरी विभिन्न विधेयकहरु संघीय संसदमा दर्ता गराएकोप्रति आपत्ती प्रकट गरेको छ ।

नेपाली काँग्रेस संसदीय दलको कार्यालय सिंहदरबारमा आज बसेको संसदीय दलको वैठकले संसदमा दर्ता भएका ‘‘नेपाल मिडिया काउन्शील सम्बन्धी कानूनलाई संशोधन र एकीकरण गर्न बनेको विधेयक’’, ‘‘राष्ट्रिय मानव अधिकार आयोग ऐन, २०६८ लाई संशोधन गर्न बनेको विधेयक’’ र ‘‘राष्ट्रिय सुरक्षा परिषदको काम, कर्तव्य र अधिकार सम्बन्धमा व्यवस्था गर्न बनेको विधेयक, २०७५’’ संविधान प्रतिकुल भएकाले उक्त विधेयकहरु फिर्ता लिन माग समेत गरेको हो ।

बिज्ञप्तिमा भनिएको छ,‘संविधानको प्रस्तावना, धारा (१७) को स्वतन्त्रताको हक, उपधारा २ (क) मा विचार र अभिव्यक्तिको स्वतन्त्रता, एवं धारा १९ मा सञ्चारको हक, उधारा (१) मा विद्युतीय प्रकाशन, प्रसारण तथा छापा लगायतका जुनसुकै माध्यमबाट कुनै समाचार, सम्पादकीय, लेख, रचना वा अन्य कुनै पाठ्य, श्रव्यदृष्य सामाग्रीको प्रकाशन तथा प्रसारण गर्न वा सूचना प्रवाह गर्न वा छाप्न पूर्व प्रतिवन्ध लगाइने छैन भन्ने प्रावधान छ ।

संविधानमा व्यवस्था भएको पूर्ण प्रेस स्वतन्त्रताको प्रतिकुल सरकारले ‘‘नेपाल मिडिया काउन्शील सम्बन्धी कानूनलाई संशोधन र एकीकरण गर्न बनेको विधेयक’’ संसदमा दर्ता गरेको छ । उक्त प्रस्तावित विधेयकले सविधानको प्रावधान र भावनालाई ठेस पु¥याउने र प्रेस स्वतन्त्रतालाई कुन्ठित गर्ने आशय बोकेको छ ।’

नेपाली कांग्रेस संसदीय दल सदैव राष्ट्रिय सुरक्षा, मानव अधिकार, विचार र अभिव्यक्तिको स्वतन्त्रता एवं पूर्ण प्रेस स्वतन्त्रताको पक्षमा दृढतापूर्वक उभिदै सबै प्रकारका निरुङ्कुशताको विरुद्ध सङ्घर्ष जारी राख्ने निर्णय समेत बैठकले गरेको छ ।

कमेन्ट गर्नुहोस्
यो पनि पढ्नुहोस् :   सामूहिक हत्याकाण्ड प्रकरण: शव पोष्टमार्टमका लागि पठाइयो
सम्बन्धित पाेष्टहरु