The news from New Generation with new vision.

नेपाल-भारत सीमाना ३ दिन बन्द

बैतडी । आगामी चैत २८ गतेदेखि भारतमा हुने लोकसभा निर्वाचनलाई मध्यनजर गर्दै नेपाल–भारत सीमाना बन्द हुने भएको छ । भातसँग सीमा जोडिएका बैतडीसहित सुदुरपश्चिमका सबै नाका तीन दिनका लागि बन्द हुने भएको हो।

भारतको उत्तराखण्ड प्रदेशसँग जोडिएको सुदूरपश्चिमका सबै नाकाहरु चैत २६ गतेदेखि २८ गतेसम्मका लागि बन्द हुने जिल्ला प्रशासन कार्यालय बैतडीले जनाएको छ। भारतको पिथौरागढमा सम्पन्न नेपाल–भारत सीमा सुरक्षा बैठकले उक्त निर्णय गरेको होे।

सीमाक्षेत्रमा हुने चुनावलाई शान्तिपूर्वक सम्पन्न गर्न, मानव बेचबिखन नियन्त्रण, वन्यजन्तु तथा वनस्पती पदार्थ चोरीशिकारी नियन्त्रण, अवैध मुद्रा कारोबार नियन्त्रण, लागुपदार्थ ओसारपसार रोकथाम, सीमा सुरक्षाका विषयमा सूचना आदानप्रदान गर्ने, सीमामा संयुक्त सुरक्षा गस्ती गर्ने गरिने सन्दर्भमा समेत उक्त बैठकमा छलफल भएको थियो।

कमेन्ट गर्नुहोस्
सम्बन्धित पाेष्टहरु