भारत र पाकिस्तान सेमिफाइनलमा

गते प्रकाशित

काठमाडौँ, १२ कात्तिक । साफ यु–१५ च्याम्पियनसिपमा भारत र पाकिस्तान सेमिफाइनल प्रवेश गरेका छन् । आज भएको समूह चरणको अन्तिम खेलमा भूटानलाई ४ ० गोलले पराजित गर्दै भारत सेमिफाइनल प्रवेश गरेको हो ।

ललितपुरको सातदोबाटोस्थित एन्फा कम्प्लेक्समा भएको खेलमा भारतले भुटानलाई ४–० गोल अन्तरले पराजित ग¥यो । खेलको चौँथो मिनेटमा भारतले पाउल सुभोको गोलबाट अग्रता लिएको थियो । ६६ आँै मिनेटमा सुब्बा कुसाङले भारतको अग्रतालाई दोब्बर पारे । ८३आँै मिनेटमा पाउल सुभोले व्यक्तिगत दोस्रो गोल गर्दै भारतलाई ३–० को स्थितिमा पु¥याएका थिए ।

दोस्रो हाफको अन्तिम मिनेटमा कुसाङले गोल गर्दै भारतले फराकिलो जित निकाल्यो । भारत र भुटान आफ्नो पहिलो खेलमा पाकिस्तानसँग पराजित भएका थिए । पाकिस्तान ६ अङ्कसहित समूह विजेताको रुपमा अन्तिम चारमा प्रवेश गरिसकेको छ । भारत तीन अङ्कसहित उपविजेताको रुपमा सेमिफाइनल पुग्यो ।

भुटान भने अङ्कविहीन हुँदै प्रतियोगिताबाट बाहिरियो । सेमिफाइफाइलनमा अब नेपालले पाकिस्तान तथा भारतले बङ्गलादेशको सामना गर्ने छन् । सेमिफाइनलका खेल बुधबार हुनेछ । पहिलो सेमिफाइनलमा समूहको विजेता बङ्गलादेश र समूह ‘बी’ को उपविजेता भारतबीच खेल हुनेछ । दोस्रो सेमिफाइनलमा समूह ‘बी’ को विजेता पाकिस्तान र समूह ‘ए’ को उपविजेता नेपालबीच खेल हुनेछ ।

कमेन्ट गर्नुहोस्

तपाईं हामीसंग फेसबुक,र ट्वीटर मार्फत् पनि जोडिन सक्नुहुन्छ ।