अन्ततः पत्रकार बस्नेत सामान्य तारेखमा रिहा

गते प्रकाशित

काठमाडौं । सर्वोच्च अदालतले सामान्य तारेखमा छाड्न आदेश दिएसँगै पत्रकार राजु बस्नेत रिहा भएका छन् ।

यसअघि कागज गर्न र मेडिकल टेस्ट बाँकी रहेको भन्दै पत्रकार बस्नेतलाई सर्वोच्च अदालतबाट महानगरीय प्रहरी परिसर ललितपुर ल्याइएको थियो । बस्नेतको तर्फबाट रमिता बस्नेतले सर्वोच्चमा दायर गरेको बन्दीप्रत्यक्षीकरण रिटमाथि सुनुवाइ गर्दै न्यायाधीश दीपकराज जोशीको एकल इजलाशले पत्रकार बस्नेतलाई पक्राउ गरिराख्न नपर्ने आदेश दिएको हो ।

सर्वोच्चले महानगरीय प्रहर परिसर ललितपुर जावलाखेललाई पक्राउ गर्नुको कारणसहित उपस्थित हुन पनि आदेश दिएको थियो । सर्वोच्चको आदेशपछि आफूहरुले पत्रकार बस्नेतलाई रिहा गरेको महानगरीय प्रहरी परिसर ललितपुर जावलाखेल प्रवक्ता प्रहरी नायव उपरीक्षक नरेन्द्र चन्दले बताए ।

केही दिनअघि बस्नेतले ललितपुरको एक सार्वजनिक जग्गा नेकपाका सांसदहरु पम्फा भुसाल र राजकाजी मर्हजनले दलाली गरेको भन्दै समाचार प्रकाशन गरेका थिए ।

कमेन्ट गर्नुहोस्
यो पनि पढ्नुहोस् :   दुर्गा थापा पहिलो महिला एआईजी

तपाईं हामीसंग फेसबुक,र ट्वीटर मार्फत् पनि जोडिन सक्नुहुन्छ ।