‘मृत’ महिला फ्रिजभित्र जिउँदै भेटिइन्

गते प्रकाशित

दक्षिण अफ्रिकमा मृत भनिएकी एक जना महिला जिउँदै भेटिएकी छिन् ।

सडक दुर्घटनामा घाइते भएकी एक जना दक्षिण अफ्रिकी महिलालाई चिकित्सकले मृत घोषित गरेपछि उनलाई गौटेङ प्रान्तको एउटा शवगृहको फ्रिजमा राखिएको थियो । तर शवगृहमा काम गर्ने एक जना व्यक्तिले ती फ्रिजभित्र राखिएकी ती महिला जिउँदै रहेको पत्ता लगाएका थिए । उनको नाम भने खुलाइएको छैन ।

महिलाका परिवार घटनाका बारेमा विस्तृत अनुसन्धान गर्न अधिकारीहरुसँग माग गरेका छन् । २४ जुनमा भएको कार दुर्घटनामा दुई जना व्यक्तिको ज्यान गएको थियो । तर जिउँदै रहेकी ती महिलालाई पनि मृतकहरुसँगै शवगृहमा राखिएको थियो । परिवारले यसमा चिकित्सकको लापरबाही भएको बताएका छन् ।

यस्तो घटना पहिलो पटक भने भएको होइन । पटक–पटक जिउँदै रहेका मानिसलाई मृत घोषणा गरेका घटना सार्वजनिक भैरहेका छन् । दक्षिण अफ्रिकामै सात वर्षअघि मृत घोषणा गरिएका एक जना ५० वर्षीय व्यक्ति अर्को दिन शवगृहबाटै चिच्याएपछि उनको उद्दार गरिएको थियो ।

त्यस्तै २०१६ मा दक्षिण अफ्रिकामै सडक दुर्घटनामा घाइते भएका एक जना व्यक्तिलाई मृत घोषणा गरिएको एक दिनपछि जिउँदै भेटिएका थिए ।

कमेन्ट गर्नुहोस्

तपाईं हामीसंग फेसबुक,र ट्वीटर मार्फत् पनि जोडिन सक्नुहुन्छ ।