टुरिजम डेभलपमेन्ट बैंक मेगा बैंकमा गाभियो

गते प्रकाशित

काठमाडौं । टुरिजम डेभलपमेन्ट बैंक मेगा बैंकमा गाभिएको छ ।

आइतबार काठमाडौंमा एक कार्यक्रमकाबीच टुरिजम डेभलपमेन्ट बैंक मेघा बैंकमा गाभिएर मेगा बैंक नेपालको नामबाट एकीकृत कारोबार सुरु गरिएको हो । नेपाल राष्ट्र बैंकका गभर्नर डा. चिरञ्जीवी नेपालले दुवै बैंकको एकीकृत कारोबारको शुभारम्भ गर्नुभयो।

दुई बैंक गाभिएपछि बैंकको चुक्ता पूँजी ९ अर्ब २९ करोड पुगेको छ । त्यसैगरी बैंकको निक्षेप ५७ अर्ब ५५ करोड रुपैंयाँ पुगेको पनि बैंकका प्रमुख कार्यकारी अधिकृत अनुपमा खुन्जेलीले जानकारी दिनुभयो।

गाभिनु अघि मेगा बैंकको चुक्ता पूँजी ७ अर्ब ३७ करोड र टुरिजम डेभलपमेन्ट बैंकको चुक्ता पूँजी २ अर्ब १ करोड रुपैयाँ रहेको थियो ।

गाभिएपछि बैंकको शाखा कार्यालय ९१ वटा पुगेका छन । प्रमुख कार्यकारी अधिकृत खुन्जेलीले बैंकले सबै स्थानीय तहमा आफ्नो शाखा विस्तार गर्ने योजना बनाएको पनि बताउनुभयो।

कमेन्ट गर्नुहोस्

तपाईं हामीसंग फेसबुक,र ट्वीटर मार्फत् पनि जोडिन सक्नुहुन्छ ।