बाम सरकारले लगायो प्रदर्शनमा रोक, यी ७ स्थानमा मात्रै नारा जुलुश गर्न पाईने

गते प्रकाशित

काठमाडौं । विरोध प्रदर्शनका नाममा काठमाडौंमा जथाभावी नारा, जुलुस, धर्ना र सभाजस्ता कार्यक्रम हुन थालेको भन्दै सरकारले त्यसका लागि निश्चित स्थान तोकेको छ ।

वैशाख १६ गतेदेखि लागू हुनेगरी जिल्ला प्रशासन कार्यालय काठमाठौंले सहरका ७ स्थानमा मात्रै विरोध गर्ने स्थान तोकिदिएको हो ।

सडकमा विरोध प्रदर्शन हुँदा ट्राफिक जाम बढ्ने, सवारी आवागमनदेखि महत्वपूर्ण कार्यमा अवरोध हुने तथा अस्पताललगायत विभिन्न अत्यावश्यकीय कार्यमा समेत बाधा पर्ने कारण देखाउँदै सरकारले विरोध प्रदर्शन गर्ने स्थान तोकिदिएको हो ।

आइतबार बसेको सुरक्षा समितिको बैठकबाट काठमाडौंमा निषेधित क्षेत्र बढाउँदै असर नपर्नेगरी खाली रहेका सात स्थानमा विरोध प्रदर्शन गर्न पाइने जनाएको हो ।

जिल्ला प्रशासन कार्यालयका अनुसार काठमाडौंको खुलामञ्च, तीनकुनेको खाली रहेको चौर, भगवान पाउको भुइखेल चौर, पेप्सीकोलाको खेलमैदान, सानोगौचरणस्थित फुटबल मैदान, लैनचौरस्थित खुला ग्राउन्ड र सिफल चौरलाई विरोध प्रदर्शन स्थल तोकिएको हो । –नागरिक दैनिकबाट

कमेन्ट गर्नुहोस्

तपाईं हामीसंग फेसबुक,र ट्वीटर मार्फत् पनि जोडिन सक्नुहुन्छ ।