नेम्वाङको दावी : वैशाख ९ गते पार्टी एकता

गते प्रकाशित

काठमाडौं : नेकपा एमालेका नेता सुवास नेम्वाङले वैशाख ९ गते नै एमाले र माओवादीबीच एकता हुने दावी गर्नुभएको छ ।

loading...

९ गते एकता हुन्न भन्ने कुरालाई हावाको संज्ञा दिँदै नेम्वाङले त्यस्ता हावा कुराको पछि नलाग्न पनि नेता आग्रह गर्नुभएको छ । उज्यालो अनलाइनसँग कुरा गर्दै उहाँले बजारमा आउने अनावश्यक हल्लाका पछाडि नलाग्न आग्रह गर्नुभयो ।

९ गते त पार्टी एकता हुन्न भनेर केही नेताले भन्दै हिड्न थालेका छन नी ? नेम्वाङले भन्नुभयो, ‘जस्ले एकता हुन्न भनेको छ, यो प्रश्न उसैलाई सोध्नुहोस, अहिलेसम्म ९ गते नै पार्टी एकता हुनेमा दाँयाबाँया केही फरक परेको छैन ।’ नेताहरुको व्यस्तताका कारण बैठक बस्न ढिलाइ भएको तर ९ गते एकता रोकिने कुरा सही नभएको उहाँको भनाइ छ ।

‘प्रधानमन्त्री भारत जानुभएको थियो, बैठक बस्ने कुरै भएन, उहाँ फर्केर आएपछि बस्ने भनेको प्रचण्ड कमरेड बिरामी हुनुभयो, त्यसपछि ओली रारा जानुभयो, आइतबार उहाँ फर्कनुभएको छ, अब बैठक बस्ला अनि कुरा टुंग्याउला नी !’ नेम्वाङले भन्नुभयो, ‘२ वटा कार्यदलले प्रतिवेदन बुझाइसकेको छ । त्यो अध्ययन भैरहेको छ । जबसम्म केन्द्रिय संयोजन समितिको बैठक बसेर प्रचण्ड र ओलीले आधिकारी रुपमा बोल्दैनन तबसम्म बाहिर आएका कुनै पनि कुरा आधिकारीक होइनन ।’

कमेन्ट गर्नुहोस्
यो पनि पढ्नुहोस् :   एमाले-माओवादी एकता अलपत्र : ओलीको ध्यान राजपा र फोरमतिर
loading...

तपाईं हामीसंग फेसबुक,र ट्वीटर मार्फत् पनि जोडिन सक्नुहुन्छ ।