रहस्यमय उत्तर कोरिया : यस्तो खतरनाक आणविक दुर्घटनाको खबर २० दिन लुकायो

गते प्रकाशित

काठमाडौं, १५ कार्तिक । उत्तर कोरिया एक रहस्यमय देश हो । आफ्नो रहस्य र अमेरिकालाई दिइरहने धम्कीका कारण उत्तर प्रायः समाचारमा छाइरहेको हुन्छ । उत्तर कोरियामा केही दिनअघि ठूलो दुर्घटना भएको थियो । आणविक भट्टीमा भएको दुर्घटनामा परी २०० मानिस मारिएका थिए तर बाहिरी संसारले २० दिनसम्म यसको चालै पाएन ।

अक्टोबर महिनाको १० तारिखमा यो दुर्घटना भएको थियो । त्यसमा २०० जना मारिनुका अलावा १०० जना सुरुङमा फसे । तर ३१ अक्टोबरभन्दा अघिसम्म धेरैजसो सञ्चारमाध्यमले यो खबरको रिपोर्ट नै गरेनन् किनकि उनीहरूलाई यसका बारेमा थाहै भएन।
उत्तर कोरियामा सञ्चारमाध्यममाथि अंकुश छ । त्यहाँ खुलेर केही पनि लेख्न पाइँदैन । मिडियामा सरकारको नियन्त्रण छ। विदेशी पत्रकारले पनि उत्तर कोरियामा गएर रिपोर्टिङ गर्न पाउँदैनन् ।

यसपाली एक जापानी टीभीले दुर्घटनाको जानकारी शुरुमा दियो। तर उत्तर कोरियाली अधिकारीले अगाडि आएर यसको जानकारी दिएनन्।
दुर्घटना भयंकर भएकाले रेडियोएक्टिभ लीकको खतरा भयो । पंगी-री आणविक भट्टीमा यो दुर्घटना भएको थियो । अन्डरग्राउन्ड टनलमा यो दुर्घटना भएको थियो । यो न्युक्लियर साइट देशको उत्तरपूर्वी भागमा छ।

किम जोङ–उनले लगातार आणविक परीक्षण गरिरहँदा यो दुर्घटना भएको बुझिएको छ । उद्धारकार्य चलिरहँदा फेरि दुर्घटना भएको थियो। यसबाट देशको कमजोरी पनि उजागर भएको छ। तर यसका बाबजुद उत्तर कोरियाले लगातार परमाणु आक्रमणको धम्की दिइरहेको छ।
एजेन्सी

कमेन्ट गर्नुहोस्

तपाईं हामीसंग फेसबुक,र ट्वीटर मार्फत् पनि जोडिन सक्नुहुन्छ ।